News Item: : Школьныя навіны, падзеі і факты
(Category: )
Posted by veron1
Tuesday, 7 May 2019
Дыпломамі ХХІІ рэспубліканскай выставы-конкурсу дэкаратыўна-прыкладной творчасці навучэнцаў “Калядная зорка” узнагароджаны навучэнцы школы-інтэрната Філіпоўскі Улад і Пузікава Аліна.
Дзіцячая футбольная каманда Сенненскай школы-інтэрната ўзнагароджана граматай за перамогу ў турніры па міні-футболу сярод дзіцячых дамоў Віцебскай вобласці. Турнір праводзіўся ў рамках шырокага святкавання “Года малой радзімы ў Рэспубліцы Беларусь”.
Каманда “Экашкаляры” Сенненскай школы-інтэрната прывезла дыплом І ступені з VII раённага экалагічнага фестываля “Молодёжь за сохранение родного края” у намінацыі “Краса Сенненскай зямлі”.
Школьная бібліятэка атрымала дыплом ІІІ ступені па выніках абласнога конкурса фотазон прысвечаннага Году малой радзімы ў намінацыі “Культурная спадчына роднага краю”. Конкурс праводзіўся сярод бібліятэк навучальных устаноў Віцебскай вобласці ў якім прынялі ўдзел 199 навучальных устаноў сярэдняй адукацыі і 13 устаноў спецыяльнай і прафесійна-тэхнічнай адукацыі.
4 мая адбылася паездка на гала-канцэрт рэспубліканскага конкурсу “Вясёлкавы карагод”. У праграме прадстаўленай вучнямі Сенненскай школы-інтэрната былі: “Дэфіле”, музычная кампазіцыя “Вёсачка” і выстава работ дэкаратыўна-прыкладнога мастацтва. Нашы вучні, удзельнікі абласнога этапа конкурсу, былі ўзнагароджаны дыпломам за актыўны ўдзел і дыпломам ІІІ ступені за конкурсную праграму.
4 мая 2019 года Сенненская школа-інтэрнат прыняла ўдзел у чарговым вясновым кірмашу ў г. Віцебску. У кірмашу пымалі ўдзел вучні, майстры вытворчага навучання пад кіраўніцтвам дырэктара школы-інтэрната Л.Л.Казлова. З самага ранка школа разгарнула свой падворак, дзе ў шырокім асарціменце былі прадстаўлены вырабы сталярнай і швачнай майстэрняў, расада гародніны і пучкі свежай радыскі вырашчаныя ў школьных парніках. Асаблівы попыт быў на сталярныя вырабы. Усяго, ад продажу сваёй прадукцыі на кірмашы, школа атрымала каля 800 беларускіх рублёў.
Матэрыял падрыхтавала загадчыца школьнай бібліятэкі К.У.Кручок
This news item is from Сенненская школа-інтэрнат для дзяцей-сірот і дзяцей, якія засталіся без апекі бацькоў
( http://www.internatsenno.vitebsk.by/news.php?extend.339 )