Вытворчая дзейнасць
|
Вытворчая дзейнасць У 1999 годзе на базе Дзяржаўнай установы адукацыі "Сенненская школа-інтэрнат для дзяцей-сірот і дзяцей, якія засталіся без апекі бацькоў" пачалася рэалізацыя міжнароднага гуманітарнага праекта "Школа-фабрыка". Праект быў распрацаваны італьянскім гуманітарным фондам "Дапаможам ім жыць" пры падтрымцы Міністэрства адукацыі Рэспублікі Беларусь.
На працягу 17 гадоў мы ўкараняем у практыку праграмы, якія ўключаюць прафесійную арыентацыю і падрыхтоўку, актыўны ўдзел выхаванцаў у розных праектах працоўнай накіраванасці. Асноўнай ідэяй арганізацыі адукацыйнага працэсу з'яўляецца інтэгрыраванне агульнаадукацыйнай і прафесійнай (дапрафесійнай) падрыхтоўкі вучняў з другой ступені навучання і атрыманне рабочай кваліфікацыі па адной або двух спецыяльнасцях. У школе-інтэрнаце арганізавана прафесійная падрыхтоўка вучняў па прафесіях "Сталяр", "Швачка" і дапрафесійнаяя падрыхтоўка па прафесіях "Сталяр", "Швачка" і "Агароднік". Пад кіраўніцтвам кваліфікаваных спецыялістаў-педагогаў вучні атрымліваюць тэарэтычныя веды і ўдзельнічаюць у вытворчай дзейнасці па ўсіх накірунках. Установа адукацыі мае добра абсталяваныя кабінеты спецыяльнага цыкла, вучэбна-вытворчыя сталярныя і швачныя майстэрні з дастатковай колькасцю станкоў, абсталявання і прылад. Маецца пчальнік, парнікі агульнай плошчай 700 кв. м, зямельны ўчастак 34,4 га з чатырма садамі і дастатковай колькасцю сельскагаспадарчай тэхнікі. Вытворчая дзейнасць забяспечвае нашу школу-інтэрнат агароднінай на 100%, а лішкі рэалізуюцца. Cталярныя і швачныя вырабы вырабляем для сябе, на продаж, выконваем заказы насельніцтва. У цяперашні час вырабляем вуллі, рамы для сельскіх хат, лаўкі і сталы рознай канструкцыі, сталовую і пасцельную бялізну, прадметы дэкаратыўнага і бытавога прызначэння. Уся прадукцыя распрадаецца. Атрыманыя сродкі выкарыстоўваюцца часцей за ўсё на набыцце будаўнічых матэрыялаў для рамонтных работ і мэблі, для правядзення мерапрыемстваў, на гаспадарчыя патрэбы, падарункі. Школьная вытворчасць дазваляе нам зарабляць немалыя грошы. Прафесійная падрыхтоўка і вытворчая дзейнасць сталі важнай і неад'емнай часткай жыцця выхаванцаў. Яны пераўтвараюць культуру іх паводзін, з'яўляюцца сродкам сацыялізацыі, жыццёвага і прафесійнага станаўлення нашых дзяцей. |
News for 2024
|