Калектыў Сенненскай школы-інтэрната прыняў актыўны ўдзел у святкаванні Дня Перамогі, якое праходзіла на цэнтральнай плошчы горада Сянно. Свята пачалося на пляцоўцы каля танка ІС-3, устаноўленага ў гонар подзвіга савецкіх танкістаў у гады Вялікай Айчыннай вайны, шэсцем калон працоўных калектываў, якія былі ўпрыгожаны кветкамі, транспарантамі і рознакаляровымі паветранымі шарамі. Затым мітынг працягваўся на цэнтральнай плошчы горада. Пасля ўрачыстых слоў кіраўніка раёна Чарадніка В.А. і ўскладання кветак і вянкоў, свята працягвалі самадзейныя артысты. Ужо ў другі год ў калоне крочылі ўдзельнікі “Бессмяротнага палка” пад транпарантам “БЕЛАРУСЬ ПОМНІЦЬ”, дзе нашы сенненцы неслі партрэты сваіх дзядуль, прадзядуль - удзельнікаў Вялікай Айчыннай вайны. Годна паказалі сябе і навучэнцы нашай школы-інтэрната ў шэсці вучнёўскіх і моладзевых калектываў. Святкаванне доўжылася да позняга вечара. Кульмінацыяй свята стаў салют у гонар Дня Перамогі, які рзмаляваў начное неба сенненшчыны ў розныя колеры. Матэрыял падрыхтавала загадчыца школьнай бібліятэкі К.У. Кручок |
News for 2024
|